Mga Sri Lanka pharmaceutical

Available ang desisyon na ito sa Sinhala at Tamil.

මෙම තීරණය සිංහල භාෂාවෙන් කියවීමට මෙතන ක්ලික් කරන්න.

இந்த முடிவைத் தமிழில் படிக்க இங்கே கிளிக் செய்யவும்.

Buod ng kaso

Sinuportahan ng Oversight Board ang desisyon ng Meta na huwag alisin ang Facebook post na nanghihingi ng mga donasyon ng mga pharmaceutical drug sa Sri Lanka sa panahon ng pampinansyal na krisis sa bansa. Gayunpaman, nalaman ng board na hindi compatible ang sikreto at discretionary na mga exemption sa patakaran sa mga responsibilidad sa mga karapatang pantao ng Meta, at gumawa ito ng mga rekomendasyon para dagdagan ang transparency at consistency sa allowance na “layunin ng patakaran.” Pinapagayan ng allowance na ito ang content kung saan ang mahigpit na pagbabasa ng patakaran ay gumagawa ng resulta na salungat sa layunin ng patakarang iyon.

Tungkol sa kaso

Noong Abril 2022, nag-post ng image sa Facebook page ng isang medical trade union sa Sri Lanka, hinihiling sa mga tao na mag-donate ng mga gamot at mga produktong pangmedikal sa bansa, at nagbibigay ng link sa kanila para gawin ito.

Noong panahong iyon, nasa kalagitnaan an Sri Lanka ng matinding pulitikal at pampinansyal na krisis, na umubos sa mga foreign currency reserve ng bansa. Bilang resulta, hindi nagkaroon ng pondo ang Sri Lanka, na nag-aangkat ng 85% ng mga pangmedikal na supply nito para mag-angkat ng mga gamot. Inulat ng mga doktor na nauubusan na ng gamot at mga mahalagang supply ang mga ospital, at sinabing natatakot sila sa napipintong sakuna sa kalusugan.

Natukoy ng mga Meta team para sa pagmo-monitor ng panganib sa krisis sa Sri Lanka ang content sa kasong ito. Nalaman ng kumpanya na nilabag ng post ang Pamantayan ng Komunidad nito sa Pinaghihigpitang Mga Produkto at Serbisyo, na nagbabawal sa content na humihingi ng mga pharmaceutical drug pero naglagay ito ng naka-scale na allowance na “layunin ng patakaran.”

Ang mga allowance na “layunin ng patakaran” ay pinapayagan ang content kung saan nangangailangan ang paliwanag ng patakaran at mga pagpapahalaga ng Meta ng ibang resulta sa mahigpit na pagbabasa ng mga panuntunan. Naaangkop ang mga naka-scale na allowance sa buong mga kategorya ng content, sa halip na sa mga indibiduwal na post lang. Ang paliwanag para sa patakaran sa Pinaghihigpitang Mga Produkto at Serbisyo ay may kasamang “panghihikayat ng kaligtasan.” Ni-refer ng Meta ang kasong ito sa Board.

Mga mahalagang nalaman

Nalaman ng Oversight Board na nilalabag ng post ang Pamantayan ng Komunidad sa Pinaghihigpitang Mga Produkto at Serbisyo. Gayunpaman, nalaman nito na ang paglalagay ng naka-scale na allowance na “layunin ng patakaran” para payagan ito at ang katulad na content ay naaangkop, at alinsunod sa mga pagpapahalaga ang mga responsibilidad sa mga karapatang pantao ng Meta.

Sa konteksto ng krisis sa Sri Lanka, kung saan nasa matinding panganib ang kalusugan at kaligtasan ng mga tao, ipinagpatuloy ng allowance ang layunin na “nanghihikayat ng kaligtasan” ng Pamantayan ng Komunidad at ang karapatan ng tao sa kalusugan. Bagaman ang pagpayag sa mga donasyon ng gamot ay maaaring magdulot ng mga panganib, binigyang-katwiran ng malaking pangangailangan sa Sri Lanka ang mga aksyon ng Meta.

Gayunpaman, nababahala ang Board na sinabi ng Meta na “maaaring” gamitin ang allowance na “layunin ng patakaran” sa content na naka-post sa Sinhala sa labas ng Sri Lanka, bukod sa Sri Lanka market. Dapat maging malinaw ang Meta tungkol sa kung saan naaangkop ang mga allowance nito. Dapat din nitong tiyakin na sensitibo ang at-scale na mga allowance sa etniko at pagkakaiba-iba ng wika ng mga tao na maaaring maapektuhan para maiwasan ang hindi sinasadyang diskriminasyon. May dalawang opisyal na wika ang Sri Lanka, ang Sinhala at Tamil, ang huling nabanggit ay ang malawakang sinasalita ng Tamil at Muslim na mga minority.

Nalaman din ng Board na, para matugunan nito ang mga responsibilidad nito sa mga karapatang pantao, dapat gumawa ng aksyon ang Meta para dagadgan ang pag-unawa ng mga user tungkol sa allowance na “layunin ng patakaran,” at para tiyaking ginagamit ito nang consistent.

Hindi inaabisuhan ang mga user na nagre-report ng content kapag magbebenepisyo ito mula sa allowance na “layunin ng patakaran,” at wala ring paraan ang mga user para malaman na mayroong exception. Hindi binanggit ang allowance na “layunin ng patakaran” sa Mga Pamantayan ng Komunidad, at hindi nag-publish ang Meta ng impormasyon tungkol dito sa Transparency Center, gaya ng ginawa nito sa exception sa newsworthiness, salamat nang bahagya sa mga rekomendasyon mula sa Board. Ang sikreto at discretionary na mga exemption sa mga patakaran ng Meta ay hindi compatible sa mga responsibilidad sa mga karapatang pantao ng Meta.

Mukhang walang malinaw na criteria na ginagamit para mamahala kapag ibinigay at tinapos ang mga allowance na “layunin ng patakaran.” Binibigyang-diin ng Board ang kahalagahan ng nasabing criteria sa pagtiyak na ginagawa nang consistent ang mga desisyon, at inirerekomendang gawing pampubliko ito ng Meta. Nalaman din nito na kung saan palaging ginagamit ng Meta ang allowance para sa parehong layunin, dapat nitong i-assess kung kailangan ng hiwalay na exception sa nauugnay na patakaran.

Ang desisyon ng Oversight Board

Sinusuportahan ng Oversight Board ang desisyon ng Meta huwag alisin ang post sa Facebook.

Inirerekomenda rin ng Board sa Meta na:

• I-publish ang impormasyon tungkol sa allowance na “layunin ng patakaran” sa Transparency Center, kasama ang criteria na ginagamit ng Meta para magpasya kung isa-scale ang allowance.
• Ipaliwanag sa Mga Pamantayan ng Komunidad na maaaring gumawa ng mga allowance kapag ang paliwanag ng patakaran, at mga pagpapahalaga ng Meta ay mangangailangan ng ibang resulta kaysa sa mahigpit na pagbabasa ng mga panuntunan. Dapat itong iugnay sa impormasyon ng allowance na “layunin ng patakaran” sa Transparency Center.
• Abisuhan ang mga user kapag magbebenepisyo ang content na ni-report nila mula sa allowance na “layunin ng patakaran.”
• I-share sa publiko sa Transparency Center ang pinagsama-samang data tungkol sa mga allowance na “layunin ng patakaran,” kasama ang bilang, at ang mga rehiyon at wikang apektado.

* Ang mga buod ng kaso ay nagbibigay ng overview ng kaso at walang halaga na katulad sa naunang pagpapasya.

Buong desisyon sa kaso

1. Buod ng desisyon

Sinusuportahan ng Board ang desisyon ng Meta na huwag alisin ang post sa Facebook na humihingi ng mga donasyon ng mga pharmaceutical drug sa Sri Lanka. Sa kabila ng Pamantayan ng Komunidad ng Meta sa Pinaghihigpitang Mga Produkto at Serbisyo, iniwan sa Facebook ang content bilang resulta ng at-scale na allowance na “layunin ng patakaran,” na inilabas ng Meta. Pinayagan ng allowance na ito ang content na hinahangad na mag-donate, magregalo o humingi ng mga pharmaceutical drug sa Sri Lanka sa pagitan ng Abril 27 at Nobyembre 10, 2022. Nalaman ng Board na naaangkop ang allowance na ito sa kabila ng matindi at compounding na pampulitika, pang-ekonomiko, at kaugnay sa pangangalagang pangkalusugan na mga krisis sa Sri Lanka, ngunit hinihimok ang Meta na magbigay pa ng impormasyon sa mga user sa kung paano ginagamit ang allowance na “layunin ng patakaran” lalo na sa mga panahon ng krisis.

2. Paglalarawan at background ng kaso

Noong Abril 2022, nag-post ang Facebook user sa Facebook page ng isang image ng medical trade union sa Sri Lanka. Ang image ay may kasamang button na sinasabing “donate” (mag-donate) at caption sa English na sinasabing pwede nang mag-donate ng mga gamot at mga medikal na produkto ang mga tao sa Sri Lanka sa pamamagitan ng pag-click sa ibinigay na link. Ang link sa caption ay napupunta sa isang page sa external website ng trade union na naglalarawan sa krisis sa pangangalagang pangkalusugan na sektor ng Sri Lanka at sinasabi na kailangang mag-donate ang mga tao ng mga pharmaceutical drug para suportahan ang sistema ng pangangalagang pangkalusugan. Nagbibigay din ang webpage ng mga instruksyon para sa mga donor, kasama ang pagkuha ng: 1) sulat mula sa tumatanggap ng mga na-donate na gamot; 2) commercial invoice na tinutukoy ang uri, dami, at halaga ng mga gamot; at 3) na-scan na image ng label ng mga gamot. Tiningnan ang post ng mahigit sa 80,000 beses, naibahagi ng mas kaunti sa 1,000 beses, at walang sinumang nag-report.

Noong panahong na-post ang content, nasa kalagitnaan ang Sri Lanka ng matinding pampinansyal na krisis, na umubos sa mga foreign currency reserve ng bansa. Karamihan sa mga taga-Sri Lanka ay kasali sa mga protesta laban sa mga miyembro ng gobyerno para sa kanilang tungkulin sa pang-ekonomikong krisis ng bansa. Noong Hunyo 2022, inulat ng United Nations na mga three-quarter ng populasyon ang nagbawas ng kanilang pagkain dahil sa matinding kakulangan sa pagkain ng bansa. Walumpu’t limang porsiyento ng mga pangmedikal na supply ng Sri Lanka ang inaangkat mula sa iba’t ibang bansa, partikular na mula sa India. Ang krisis sa currency ay nangangahulugang wala nang pondo ang Sri Lanka para mag-angkat ng mga gamot na ito. Noong Abril 2022, inulat ng mga doktor sa Sri Lanka na nauubusan na ng mga gamot at mga mahalagang supply ang mga ospital, at sinabing natatakot sila sa napipintong sakuna sa kalusugan. Kinansela ang mga karaniwang medical procedure at natatakot ang mga doktor na tataas nang malaki ang bilang ng namamatay. Noon Setyembre 2022, gumawa ng aksyon ang United Nations Development Program (UNDP) sa Sri Lanka para kumuha at maghatid ng mga mahalagang gamot at mga pangmedikal na supply para sa bansa, kasama ng World Health Organization (WHO) sa Sri Lanka, nang may tulong pinansyal mula sa Central Emergency Response Fund (CERF) ng United Nations.

Natukoy ng Global Operations team ng Meta ang may isyu na content sa kasong ito sa panahon ng effort na pagmo-monitor ng panganib na may kaugnayan sa kasalukuyang nangyayaring krisis sa Sri Lanka. Sinabi ng kumpanya na ang ganitong uri ng effort na pagmo-monitor ay karaniwang isinasagawa sa panahon ng mga kaganapan na mataas ang panganib, na nagagawa sa pamamagitan ng expertise ng team at pag-assess nito sa mga sitwasyon sa labas ng platform. Dalawang beses na-escalate ang content ng kaso para sa karagdagang pagsusuri bago ito makarating sa Content Policy team ng Meta.

Naglabas ang Meta ng allowance na “layunin ng patakaran” na may takdang panahon at naka-scale para payagan ang post na ito pati rin ang ibang content na sinusubukang mag-donate, magregalo, o humingi ng mga pharmaceutical drug sa Sri Lanka. Ginagawa ng Meta ang “layunin ng patakaran” na mga exception kapag ang mahigpit na paggamit ng may kaugnayang Pamantayan ng Komunidad ay gumagawa ng mga resulta na hindi alinsunod sa paliwanag at mga layunin ng patakaran. Ang naka-scale na mga allowance sa patakaran ay mga pangkalahatang allowance na naaangkop sa lahat ng content na nakakatugon sa ilang criteria. Maaari lang ibigay ang mga ito ng mga internal team ng Meta kapag nag-escalate. Kapag ibinigay ito, malawakang ini-enforce ng mga reviewer ang naka-scale na mga allowance sa patakaran. Ang allowance na “layunin ng patakaran” ay ibinigay noong Abril 27, 2022, para sa dalawang linggo (na nagsimula ng Abril 27, 2022, hanggang Mayo 10, 2022). Maraming beses pinalawig ang allowance, matapos itong masuri at ma-renew nang paminsan-minsan.

Mula Nobyembre 10, 2022, noong natapos ang allowance, sinusuri ng Meta ang anumang content na susubukang mag-donate, magregalo, o humingi ng mga pharmaceutical drug sa Sri Lanka nang ayon sa patakaran sa Pinaghihigpitang Mga Produkto at Serbisyo at ini-enforce ang patakaran nang walang allowance.

Ni-refer ng Meta ang kaso sa Board, sinasabing mahirap ito, dahil kabilang dito ang pagbabalanse sa mga competing value ng “Kaligtasan” at “Boses,” at mahalaga, dahil ito sa pampinansyal na krisis ng taga-Sri Lanka, na maaaring humantong sa mga maiiwasang pagkamatay dahil sa kakulangan ng mga medikal na gamot. Hiniling ng Meta sa Board na i-evaluate kung paano gumagawa ang kumpanya ng pansamantala, partikular sa rehiyon na mga allowance na “layunin ng patakaran” sa patakaran nito sa Mga Pinaghigpitang Produkto at Serbisyo, partikular sa panahon ng krisis o mga conflict na sitwasyon.

3. Authority at scope ng Oversight Board

Mayroong awtoridad ang Board na suriin ang mga desisyon na sinu-submit ng Meta para suriin (Article 2 ng Charter, Seksyon 1; Article 2, Seksyon 2.1.1 ng Mga Internal na Patakaran). Maaaring i-request ng Board na i-refer dito ng Meta ang mga desisyon.

Maaaring suportahan o baliktarin ng Board ang desisyon ng Meta (Article 3 ng Charter, Seksyon 5), at ipapatupad ang desisyon na ito sa kumpanya (Article 4 ng Charter). Dapat ring i-assess ng Meta ang pagiging posible ng pag-apply ng desisyon ng Board tungkol sa magkatulad na content na may katulad na konteksto (Article 4 ng Charter). Ang mga desisyon ng Board ay maaaring may kasamang mga pahayag ng pagpapayo sa patakaran na may mga hindi ipapatupad na rekomendasyon na kailangang tugunan ng Meta (Article 3 ng Charter, Seksyon 4; Article 4). Kung saan nangangako ang Meta na gumawa ng aksyon sa mga rekomendasyon, sinusubaybayan ng Board ang kanilang pagpapatupad.

4. Mga source ng authority at patnubay

Binigyan ng impormasyon ng mga sumusunod na pamantayan at mga huwaran ang pagsusuri ng Board sa kaso:

I. Mga desisyon ng Oversight Board:

Kasama sa pinaka may kaugnayan na mga nakaraang desisyon ng Oversight Board ang:

• “Slogan ng protesta sa Iran” ( 2022-013-FB-UA): Ang kasong ito ay tungkol sa kung paano maaaring gamitin sa mga panahon ng krisis ang iba pang overriding na allowance sa patakaran ng Meta, ang newsworthiness allowance. Inirekomenda ng Board na magbigay ng higit pang data ang Meta sa publiko tungkol sa mga newsworthiness allowance na ibinigay, at i-anunsyo ng kumpanya kapag naipakilala na ito.
• “Mga protesta sa Colombia” ( 2021-010-FB-UA): Ang kasong ito ay tungkol sa mga allowance na ginawa para sa newsworthiness. Inirekomenda ng Board sa Meta na “abisuhan ang lahat ng user na nag-report ng content na na-assess bilang lumalabag ngunit hindi inalis sa platform sa mga kadahilanang para sa interes ng publiko dahil gumamit ng newsworthiness allowance sa post. Dapat na naka-link ang abiso sa paliwanag ng Transparency Center tungkol sa newsworthiness allowance.”
• “Pagsuspinde sa dating Presidente na si Trump” ( 2021-001-FB-FBR): Ang kasong ito ay tungkol sa kung paano tumutugon ang Meta sa mga krisis at gumagawa ng mga exception sa patakaran. Sa kasong ito, inirekomenda ng Board sa Meta na “bumuo at mag-publish ng patakaran na namamahala sa pagtugon nito sa mga krisis o mga natatangi at hindi inaasahang sitwasyon kung saan ang mga regular na proseso nito ay hindi mapipigilan o maiiwasan ang napipintong pinsala.”

II. Mga patakaran ng Meta sa content:

Pamantayan ng Komunidad sa Pinahigpitang Mga Produkto at Serbisyo

Sa ilalim ng Pamantayan ng Komunidad sa Pinaghihigpitang Mga Produkto at Serbisyo, ang Meta ay “ipinagbabawal ang pagsubok ng mga indibiduwal, manufacturer, at mga retailer na bumili, magbenta, mag-raffle, magregalo, mag-transfer o mag-trade ng ilang produkto at serbisyo.” Kasama rito ang “pagsubok na mag-donate o magregalo ng mga pharmaceutical drug,” pati rin ang humingi ng “mga pharmaceutical drug maliban kapag tinatalakay ng content ang pagiging abot-kaya, accessibility o bisa ng mga gamot sa medikal na konteksto.” Hinihikayat ng paliwanag ng patakaran para sa Pamantayan ng Komunidad na ito ang kaligtasan habang pinipigilan ang posibleng masamang aktibidad. Sa ilalim nitong Pamantayan ng Komunidad, ang “mga pharmaceutical drug” ay inilalarawan bilang “mga gamot na nangangailan ng reseta o mga medical professional para ibigay.”

Diwa ng Allowance sa Patakaran

Maaaring gumamit ang Meta ng allowance na “layunin ng patakaran” sa content kapag nangangailangan ang paliwanag ng patakaran (ang text na nagpapakilala sa bawat Pamantayan ng Komunidad) at mga pagpapahalaga ng Meta ng ibang resulta maliban sa mahigpit na pagbabasa ng mga panuntunan (ang mga panuntunang nakatakda sa “huwag i-post” na seksyon at sa listahan ng ipinagbabawal na content).

Sa kasong ito, gumamit ang Meta ng allowance na “layunin ng patakaran” para payagan ang content na hinahangad na mag-donate, magregalo, o humingi ng mga pharmaceutical drug sa Sri Lanka. Ginawa ito dahil sa pang-ekonomikong krisis at malaking pangangailangan ng gamot. Sa mga sagot ng Meta sa Board, sinabi ng Meta na naaangkop ang allowance sa content na na-post sa Sri Lanka at “maaari ring may kasama itong content na na-post sa wikang Sinhalese sa labas ng Sri Lanka” dahil sa kanilang “market routing.” Hindi binanggit ng Meta ang ginamit na allowance sa labas ng Sri Lanka sa content na na-post sa Tamil, isa pang opisyal na wika ng bansa.

Nabigyan din ng impormasyon ang pagsusuri ng Board sa pamamagitan ng pagpapahalagang “Boses” ng Meta na inilalarawan ng kumpanya bilang “mahalaga,” at ang pagpapahalaga nito na “Kaligtasan.”

III. Mga responsibilidad sa mga karapatang pantao ng Meta

Ang UN Guiding Principles on Business and Human Rights (UNGPs), na inendorso ng UN Human Rights Council noong 2011, ay nagtatatag ng boluntaryong framework para sa mga responsibilidad sa mga karapatang pantao ng mga pribadong negosyo. Noong 2021, inanunsyong Meta ang Patakaran ng Kumpanya sa Mga Karapatang Pantao nito, kung saan muli nitong pinagtibay ang commitment nito sa paggalang sa mga karapatang pantao nang ayon sa mga UNGP.

Ang pagsusuri ng Board sa mga responsibilidad sa mga karapatang pantao ng Meta sa kasong ito ay nabigyan ng kaalaman sa pamamagitan ng mga sumusunod na internasyonal na pamantayan:

• Ang karapatan sa kalayaan sa opinyon at pagpapahayag: Article 19, International Covenant on Civil and Political Rights ( ICCPR), Pangkalahatang Komento Bilang 34, Human Rights Committee, 2011; UN Special Rapporteur sa malayang opinyon at pagpapahayag, mga report: A/HRC/38/35 (2018) at A/74/486 (2019).
• Ang karapatang mabuhay: Article 6, ICCPR.
• Ang karapatan sa kalusugan: Article 12, International Covenant on Economic, Social and Cultural Rights ( ICESCR); Pangkalahatang Komento Bilang 14, ang Committee ng Mga Karapatang Pang-ekonomiko, Panlipunan at Pang-kultura, (2000).

5. Mga submission ng user

Inabisuhan ang gumawa ng post ng tungkol sa pagsusuri ng Board at binigyan ito ng pagkakataong mag-submit sa Board ng pahayag. Hindi nag-submit ang user ng pahayag.

6. Mga submission ng Meta

Ipinaliwanag ng Meta sa Board na, bagaman hindi pinapayagan ng Mga Pamantayan ng Komunidad nito ang content na humihingi ng mga pharmaceutical drug, nalaman ng kumpanya na ang pangangailangan ng “mga pharmaceutical drug na dulot ng pang-ekonomikong krisis sa Sri Lanka ay binigyang-katwiran ang allowance sa ilalim ng paliwanag ng patakaran ng patakaran sa Pinaghihigpitang Mga Produkto at Serbisyo.” Sinasabi ng paliwanag na ang layunin ng patakarang ito ay “[h]ikayatin ang kaligtasan at pigilan ang mga posibleng masamang aktibidad.” Sinabi rin ng Meta na ang desisyon na maglabas ng naka-scale na allowance ay “partikular na mahirap” dahil kailangan ng Meta na “balansehin ang mga pangangailangan ng mga taga-Sri Lanka sa panahon ng krisis kumpara sa mga panganib ng pagpapahintulot sa mga tao na magbahagi at magpalitan ng mga posibleng nakakasamang gamot” sa mga platform ng kumpanya. Sinabi rin ng Meta na karamihan ng bansa, kasama ang Sri Lanka, ay mayroong “mahigpit na mga batas sa pamamahagi ng gamot na malawak na ginagawang ilegal ang pagbebenta, pagdadala, o paglipat ng mga kontroladong substance.” Gayunpaman, sinasabi ng kumpanya na ang desisyon itong maglabas ng allowance na “layunin ng patakaran” sa kasong ito ay pinalawig ang lehitimong layunin ng kaligtasan ng user at ang proteksyon ng kalusugan ng publiko dahil sa mga panganib sa kaligtasan na nauugnay sa kakulangan ng mga medikal na gamot sa Sri Lanka.

Naniniwala ang Meta na alinsunod ang desisyon nito sa mga pagpapahalaga nito pati rin sa mga internasyonal na prinsipyo sa mga karapatang pantao sa pagprotekta sa kalusugan ng publiko. Nagbigay ang Meta ng mga halimbawa ng iba pang mga allowance na ginawa para sa mga donasyon ng gamot, kasama ang: (a) tatlong buwan na allowance sa Cuba noong 2022 batay sa malaking kakulangan ng gamot na nauugnay sa pang-ekonomikong krisis; (b) siyam na buwan na allowance sa Lebanon noong 2021 batay sa malaking kakulangan at hindi abot-kayang gamot sa panahon ng isang pang-ekonomikong krisis; at (c) kasalukuyang allowance sa Ukraine mula Pebrero 27, 2022, batay sa mga pagkaantala sa supply na dulot ng pagsalakay ng Russia.

Sinabi ng Meta na naglabas din ito ng mga allowance na “layunin ng patakaran” na limitado sa mga gamot at medikal na produkto na may kaugnayan sa COVID-19, “na nagpapahintulot sa content na nagdo-donate at nanghihingi ng mga donasyon para sa medical-grade na oxygen sa Afghanistan (1 buwan), Indonesia (1 buwan) at Myanmar (5 buwan) pati rin ang content para mag-donate o manghingi ng mga donasyon para sa Remdesivir, Fabiflu, at Tocilizumab sa India (1 buwan) at Nepal (2 linggo).” Sinabi rin ng Meta na sa bawat sitwasyon, umasa ang kumpanya sa “hiwalay na pagre-report para ma-verify ang krisis.”

Sa mga tugon nito sa mga tanong ng Board, ipinaliwanag ng Meta na iba-iba ang criteria na ginamit para maglabas at tapusin ang isang at-scale na allowance na “layunin ng patakaran” Idinagdag ng kumpanya na ang desisyon nito ay karaniwang batay sa mungkahi mula sa mga internal team at, sa ilang sitwasyon ay mula sa mga external stakeholder. Sa kasong ito, sinabi ng Meta na ang desisyon ng kumpanya ay naimpluwensiyahan ng pagkakaroon ng “krisis na naipapakita nang mabuti” kabilang ang “coverage ng balita at pang-ekonomikong pagsusuri” tungkol sa mga kakulangan ng mga medikal na gamot. Isinaalang-alang ng Meta na “ang pangangailangan ng mga medikal na gamot ay binanggit ng iginagalang na mga medikal na awtoridad.”

Sinabi rin ng Meta bilang pagtugon sa mga tanong ng Board na sa nakalipas na tatlong taon, kaunti lang sa mga allowance na inilabas ng kumpanya ang na-scale, at mababang proporsyon ng mga ito na may kaugnayan sa patakaran sa Pinaghihigpitang Mga Produkto at Serbisyo. Maaari lang ipakilala ang mga allowance sa patakaran ng mga internal team ng Meta “kapag nag-escalate”. Ang naka-scale na mga allowance sa patakaran ay mga pangkalahatang allowance na naaangkop sa lahat ng content na nakakatugon sa ilang criteria kapag unang sinuri ng mga at-scale reviewer. Ang mga hindi na-scale allowance ay partikular sa mga indibiduwal na post.

Tinanong ng Board ang Meta ng siyam na tanong sa pamamagitan ng sulat. Mga tanong na may kaugnayan sa allowance na “layunin ng patakaran” sa Sri Lanka, Protokol sa Krisis ng Meta, at pangkalahatang approach ng Meta sa pagsisimula at pagtapos ng mga allowance na layunin ng patakaran. Sinagot lahat ng Meta ang mga tanong.

7. Mga komento ng publiko

Nakatanggap ang Oversight Board ng tatlong komento ng publiko kaugnay sa kasong ito. Dalawa sa mga komento ang na-submit mula sa United States at Canada, at isa mula sa Latin America at ang Caribbean.

Tinalakay ng mga submission ang mga sumusunod na tema: ang mga panganib ng pagtanggap ng mga donasyon ng mga gamot; ang mga panganib na idinulot ng hindi pagpapahintulot ng Meta sa pangangasiwa ng mga donation drive ng gamot sa mga platform nito; at ang pangangailangan ng criteria na malinaw at iginagalang ang mga karapatang pantao kapag gumagawa ang Meta ng mga exception sa mga patakaran nito.

Para basahin ang mga komento ng publiko na na-submit para sa kasong ito, paki-click dito.

8. Pagsusuri ng Oversight Board

Pinili ng Board na kunin ang kasong ito dahil ang mga desisyon ng Meta kung maglalabas ng mga allowance para sa mga donasyon ng gamot sa mga sitwasyon ng krisis ay magkakaroon ng kritikal na epekto sa access ng mga tao sa kalusugan at impormasyon tungkol sa mga krisis sa kalusugan sa mga apektadong bansa. Pinapayagan din ng kaso ang Board na ma-assess ang approach ng Meta sa mga allowance na “layunin ng patakaran” at maglabas ng mga rekomendasyon tungkol dito, pati rin ang approach ng kumpanya sa mga paggamit ng mga panuntunan nito na partikular sa bansa. Sinuri ng Board kung dapat alisin ang content na ito sa pamamagitan ng pagsusuri sa mga patakaran sa content ng Meta, mga responsibilidad at pagpapahalaga sa mga karapatang pantao. Na-assess din ng Board ang mga implikasyon ng kasong ito para sa mas malawak na approach ng Meta sa pamamahala ng content.

8.1 Pagsunod sa mga patakaran sa content ng Meta

Nalaman ng Board na nilalabag ng content sa kasong ito ang pagbabawal ng Pamantayan ng Komunidad sa Pinaghihigpitang Mga Produkto at Serbisyo sa content na “humihingi ng mga pharmaceutical drug.” Gayunpaman, nalaman ng Board na ang at-scale na allowance na “layunin ng patakaran” ay inilabas nang naaangkop para payagan ang post na ito, at katulad na content, na manatili sa Facebook sa oras ng matinding pangangailangan sa Sri Lanka.

I. Mga panuntunan ng content

Ipinagbabawal ng patakaran ng Meta sa Pinaghihigpitang Mga Produkto at Serbisyo ang “pagsubok na mag-donate o magregalo ng mga pharmaceutical drug” pati rin ang mga post na humihingi ng mga pharmaceutical drug “maliban kapag tinatalakay ng content ang pagiging abot-kaya, accessibiity o bisa ng mga pharmaceutical drug sa medikal na konteksto.”

Sinabi ng Board na ang content sa kasong ito ay bahagi ng pangangasiwa ng pagdo-donate. Gayunpaman, hindi nito mismo “sinusubukang mag-donate o magregalo ng mga pharmaceutical drug,” sa halip, hinihimok nito ang mga tao na mag-donate ng mga pangmedikal na supply. Kaya, nalaman ng Board na ang content ay “humihingi ng mga pharmaceutical drug.”

Higit pang nililinaw ng mga internal na alituntunin ng Meta na ang pagtalakay sa “pagiging abot-kaya” ay nangangahulugan sa pagbanggit ng mga diskwento o mga offer (halimbawa, “$5 na diskwento sa gamot,”) na ikinukumpara ang generic at may brand na mga bersyon ng mga pharmaceutical drug, o paglista sa presyo ng mga bakuna. Dagdag pa rito, ang content na tinatalakay ang accessibility sa medikal na konteksto ay maaaring magsaad ng mga mungkahi sa kung paano tutugunan ang medikal na kondisyon (halimbawa, “Kung nahihirapan ka sa mga alerhiya, pumunta sa ABC Pharmacy para bumili ng methylprednisolone.”) Na-post ang content sa konteksto kung saan nasa panganib ang pagiging abot-kaya at accessibility ng mga pharmaceutical drug sa Sri Lanka. Gayunpaman, nalaman ng Board na ang content ay hindi alinsunod sa mga halimbawa ng mga talakayan ng pagiging abot-kaya at accessibility, na nakasaad sa mga internal na alituntunin ng Meta. Kaya nilalabag nito ang Pamantayan ng Komunidad. Sinabi ng Board na hindi bahagi ng pampublikong wika ng patakaran ng Meta sa Pinaghihigpitang Mga Produkto at Serbisyo ang mga halimbawang ito.

Ayon sa Meta, maaaring maglabas ng allowance na “layunin ng patakaran” kapag nangailangan ng ibang resulta ang paliwanag ng patakaran ng may kaugnayang Pamantayan ng Komunidad, at mga pagpapahalaga ng Meta bukod sa literal na pagbabasa ng mga panuntunan. Nilalayon ng patakaran sa Pinaghihigpitang Mga Produkto at Serbisyo ang “panghihikayat ng kaligtasan at pagpigil sa mga posibleng masamang aktibidad.” Katulad din nito, sa ilalim ng pagpapahalagang “Kaligtasan,” ang Meta ay “inaalis ang content na maaaring magdulot ng panganib ng pinsala sa pisikal na seguridad ng mga tao.”

Ang kaligtasan ay nangangailangan ng iba’t ibang mga pagsasaalang-alang depende sa konteksto. Sa panahong ito sa Sri Lanka, nagkaroon ng matinding krisis na resulta ng kakulangan ng mga gamot at nagdulot ito ng seryosong panganib sa kalusugan. Gayunpaman, mayroon ding seryosong mga alalahanin sa kalusugan tungkol sa pagpapahintulot sa mga donasyon ng gamot, lalo na sa mga panahon ng krisis. Nagbabala ang WHO na ang mga na-donate na pharmaceutical drug ay posibleng expired na, hindi tama ang pag-iimbak, o nagdudulot ng mahal na pagsusuri at pasanin sa pag-iimbak para sa mga bansang nasa krisis na (World Health Organization, Mga alituntunin para sa mga donasyon ng gamot, pahina 6). Dapat ding tandaan ng Meta na kapag naglalabas ng mga allowance sa patakaran sa Pinaghihigpitang Mga Produkto at Serbisyo. Dagdag pa rito, ang pagpapahintulot sa mga user na magbahagi at magpalitan ng mga posibleng nakakasamang gamot sa mga platform ng Meta ay maaaring magresulta sa maling paggamit ng mga ito para sa ilegal o mapanganib na mga layunin.

Sa kabila ng mga valid na alalahanin na ito, nalaman ng Board na ang desisyon ng Meta na maglabas ng at-scal na allowance na “layunin ng patakaran” para payagan ang content na hinahangad na mag-donate, magregalo, o humingi ng mga pharmaceutical drug sa Sri Lanka ay napatunayan, sa kabila ng pang-ekonomikong krisis ng bansa at ang kakulangan ng mga pangmedikal na supply. Kailangang magkaroon ng mas matinding pangangailangan sa panahon ng matinding pang-ekonomikong krisis para minimal na mapanatili ang access ng mga tao sa pangangalagang pangkalusugan. Ang mga alalahanin tungkol sa pag-iimbak ng mga gamot, pati rin ang maling paggamit ng mga ito, ay maaaring mapigilan ng iba pang responsableng partido, tulad ng mga lokal na awtoridad at organisasyon na kasali sa pamamahagi ng gamot, kung maaabisuhan nang tama ng Meta tungkol sa allowance sa patakaran.

II. Enforcement action

Bilang pagtugon sa isa sa mga tanong ng Board, ipinaliwanag ng Meta na ang iba’t ibang internal team ay maaaring kasama sa desisyon para magbigay ng allowance na “layunin ng patakaran,” at sa desisyon na tapusin ang nasabing allowance. Kasama sa mga ito ang mga team sa kaligtasan, mga karapatang pantao at expertise na partikular sa rehiyon. Kapag may takdang panahon ang allowance, ina-assess ito ng Meta paminsan-minsan at nagpapasya kung dapat itong i-renew o tapusin. Ipinaliwanag ng Meta na tinapos ang allowance sa kasong ito noong Nobyembre 10, 2022, pagkatapos sabihin ng mga internal team ng kumpanya na ang “medikal na krisis sa Sri Lanka ay pinigilan nang may partikular na lawak na ang panganib ng posibleng pang-aabuso mula sa walang paghihigpit na mga panawagan ng mga donasyon ng mga medikal na gamot sa Facebook ay mas matimbang sa mga natitirang benepisyo.” Pagkatapos magtanong ang Board ng follow-up na tanong, ipinaliwanag ng Meta na:

Nagkaroon ng dalawang bagay na mukhang nakapagpahupa sa krisis: (i) mga bagong donasyon ng gamot mula sa mga multilateral donor agency, mga NGO at mga gobyerno na nagpahupa sa mga kakulangan at (ii) muling binigyan ng prayoridad ng bagong namamahalang gobyerno ang paggastos sa pagkuha ng mahalagang gamot. Nakita rin namin ang iba pang magagandang development kasama ang pagbuo ng mga lokal na ospital ng sentralisadong sistema para sa pangangasiwa ng mga pangmedikal na supply at mga bagong credit line mula sa mga internasyonal na agency at India, ang ilan sa mga ito ay partikular na nakadirekta para bumili ng gamot.

Bilang pagtugon sa iba pang mga tanong ng Board, ipinaliwanag ng Meta na:

Ginamit lang ang allowance sa patakaran sa Sri Lanka market. Hindi namin ito ginamit sa mga post sa labas ng market na iyon. Bagaman ang Sri Lanka market ay may kasamang content na na-post sa Sri Lanka, dahil sa aming market routing, maaaring kasama rin dito ang content na na-post nang nasa wikang Sinhalese sa labas ng Sri Lanka.

Nakita ng Board ang kawalang katiyakan ng Meta tungkol sa kung talagang ginamit ang allowance sa labas ng Sri Lanka, at hinihimok ang kumpanya na suriin ang mga enforcement system nito at mga kasanayan para matiyak na nasa mas magandang posisyon ang Meta para ma-anticipate ang epekto ng allowance. Higit pang nakita ng Board na mukhang pinaghigpitan ng Meta ang paggamit ng allowance na ito sa Sri Lanka market at ang wikang Sinhala. Mayroong dalawang opisyal na wika ang Sri Lanka, Sinhala at Tamil, malawakan ding sinasalita sa bansa at ng grupo ng mga tao ang huling nabanggit, karamihan ng Tamil at Muslim na mga minority ng etniko. Ang mga at-scale na allowance ay dapat sensitibo sa pagkakaiba-iba ng etniko at wika ng mga tao na posibleng maapektuhan ng mga ito para maiwasan ang hindi sinasadyang diskriminasyon.

III. Transparency

Nakita ng Board na hindi nag-publish ang Meta ng impormasyon tungkol sa allowance na “layunin ng patakaran” sa Transparency Center nito, o sa Mga Pamantayan ng Komunidad. Magbebenepisyo ang mga user mula sa page na nagpapakita sa criteria na ginagamit ng Meta para magpasya kung maglalabas ng mga allowance na “layunin ng patakaran” at kung kailan isa-scale ang mga ito. Dagdag pa rito, dapat isapubliko ng Meta ang mga halimbawa ng content na nagbenepisyo mula sa allowance na ito. Panghuli, dapat isama ng kumpanya sa Transparency Center nito ang listahan ng lahat ng allowance na “layunin ng patakaran” na inilabas nito nang malawakan, na may kasamang mga paliwanag kung bakit inilabas at tinapos ang mga ito. Dapat kasama rin sa page na ito sa Transparency Center ang pinagsama-samang data tungkol sa mga allowance na “layunin ng patakaran,” na inilabas, kasama ang bilang ng mga instance na inilabas ang mga ito, at ang mga rehiyon at/o mga apektadong wika. Magiging katulad ito sa kasalukuyang approach ng Meta sa newsworthiness allowance, na nagbago at bumuti nang malaki kasunod ng aksyon na ginawa ng kumpanya bilang pagtugon sa mga rekomendasyong inilabas ng Board. Higit na mahalaga ito dahil ang allowance na “layunin ng patakaran,” tulad ng newsworthiness allowance, ay pangkalahatang exception na naaangkop sa lahat ng patakaran sa content sa Facebook at Instagram.

8.2 Pagsunod sa mga responsibilidad sa mga karapatang pantao ng Meta

Nalaman ng Board na ang pagpapanatili ng content sa platform ay alinsunod sa mga responsibilidad sa mga karapatang pantao ng Meta. Ipinangako ng Meta sa sarili nito na igagalang ang mga karapatang pantao sa ilalim ng UN Guiding Principles on Business and Human Rights ( mga UNGP). Sinasabi ng Patakaran sa Mga Karapatang Pantao ng Kumpanya nito na kasama sa commitment nito ang pagrespeto sa International Covenant on Civil and Political Rights (ICCPR).

Ang desisyon ng Meta na maglabas ng allowance ay ginabayan din ng alalahanin sa mga karapatan ng mga tao sa kalusugan at na mabuhay. Dagdag pa rito, nakita ng Board na ang access sa impormasyon na may kaugnayan sa kalusugan ay partikular na mahalaga mula sa pananaw sa kalayaan sa pagpapahayag (A/HRC/44/49, talata 6). Ang nasabing mga karapatan ay nanganganib sa Sri Lanka dahil sa matinding pampulitika at pang-ekonomikong krisis, na lubhang pumigil sa access sa mga pangmedikal na supply.

Kalayaan sa pagpapahayag (Article 19 ICCPR)

Ang saklaw ng karapatan sa kalayaan sa pagpapahayag ay malawak. Ang Article 19, talata 2, ng ICCPR ay nagbibigay ng pinaigting na proteksyon sa pagpapahayag kasama ang sa mga ugnayang pampubliko ( Pangkalahatang Komento Bilang 34, talata 11). Maaaring maging partikular na mahalaga ang pagpapahayag sa panahon ng krisis sa kalusugan dahil nauugnay ito sa mga bagay na napakahalaga sa publiko. Binigyang-diin ng UN Special Rapporteur sa kalayaan sa pagpapahayag na “ang malayang pagdaloy ng impormasyon, hindi pinipigilang mga banta at pananakot at mga penalty, ay pinoprotektahan ang buhay at kalusugan at binibigyang-daan at pino-promote ang kritikal na panlipunan, pang-ekonomiko, pampulitika at iba pang mga pagtalakay ng patakaran at paggawa ng desisyon” ( A/HRC/44/49). Sa kasong ito, kino-coordinate ng content ang aksyon na nilalayong bawasan ang mga panganib sa karapatan ng mga tao sa kalusugan at na mabuhay sa Sri Lanka na nagreresulta mula sa matinding pang-ekonomikong krisis.

Kung saan ang mga paghihigpit sa pagpapahayag ay ipinapataw ng estado, kailangan nilang matugunan ang mga kinakailangan ng legalidad, lehitimong layunin, at pangangailangan at proporsyonalidad (Article 19, talata 3, ICCPR). Madalas tawagan ang mga pangangailangan na ito bilang “three-part test.” Ginagamit ng Board ang framework na ito para bigyang-kahulugan ang boluntaryong mga commitment sa mga karapatang pantao ng Meta, kaugnay sa desisyon sa indibiduwal na content na sinusuri at sa sinasabi nito tungkol sa mas malawak na approach ng Meta sa pamamahala ng content. Gaya nang sinabi ng UN Special Rapporteur sa kalayaan sa pagpapahayag na bagaman “walang mga obligasyon ng Mga Gobyerno ang mga kumpanya, ang kanilang epekto ay tila hinihiling sa kanilang masuri ang parehong uri ng mga tanong tungkol sa pagprotekta ng karapatan ng kanilang mga user sa kalayan sa pagpapahayag” ( A/74/486, talata 41). Sa kasong ito, gumamit ang Board ng “three-part test” sa mga nauugnay na panuntunan ng Meta sa ilalim ng Pamantayan ng Komunidad sa Pinaghihigpitang Mga Produkto at Serbisyo at ng pinakamahalagang allowance nito na “layunin ng patakaran.”

I. Legalidad (pagiging malinaw at pagiging naa-access ng mga panuntunan)

Hinihiling ng prinsipyo ng legalidad sa mga panuntunan na ginagamit ng mga state na limitahan ang pagpapahayag para maging malinaw at naa-access ito (Pangkalahatang Comment 34, talata 25). Ang kakulangan ng pagiging tiyak ay maaaring humantong sa subjective na interepretasyon ng mga panuntunan at ang hindi makatwirang pagpapatupad ng mga ito. Ang mga indibiduwal ay dapat may sapat na impormasyon para malaman kung at kung paano maaaring limitahan ang kanilang pagpapahayag, para ma-adjust nila ang kanilang pag-uugali nang naalinsunod. Sa 2018 na ulat na tumutugon sa pag-moderate ng content at mga pamantayan sa legalidad ng Article 19 ng ICCPR, ang UN Special Rapporteur sa kalayaan sa pagpapahayag ay binigyang-diin ang pangangailangan ng “linaw at pagiging partikular” sa mga panuntunang namamahala sa online speech ( A/HRC/38/35, talata 46). Ginamit sa mga panuntunan sa content ng Meta para sa Facebook, dapat maunawaan ng mga user kung ano ang pinapayagan at kung ano ang ipinagbabawal. Nagpasya ang Board na, bagaman naiintindihan ng mga user ang pagbabawal ng Meta ang content na “humihingi ng mga pharmaceutical drug,” mga exception dito, kasama ang mga panuntunang namamahala sa mga allowance na “layunin ng patakaran,” ay hindi sapat na malinaw at naa-access sa mga user. Dahil dapat malinaw ang mga paghihigpit sa mga karapatan, ang anumang exception sa mga paghihigpit na iyon ay dapat maging malinaw din para maunawaan ng mga user kung ano ang pwede at hindi nila pwedeng i-post. Gayunpaman, bagaman ang kabiguang ma-articulate nang tama ang allowance na nagpapahintulot sa mas maraming pananalita ay hindi natutugunan ang pamantayan ng legalidad, hindi nito binabawasan ang paggamit ng allowance na iyon sa kasong ito, sa kabila ng konteksto sa Sri Lanka kung kailan ito ginamit.

Napansin ng Board na sa pampublikong wika ng patakaran sa Pinaghihigpitang Mga Produkto at Serbisyo, hindi nagbibigay ang Meta ng sapat na impormasyon sa kung paano binibigyang-kahulugan ng exception para payagan ang content na tumatalakay sa “pagiging abot-kaya, accessibilituy o bisa ng mga pharmaceutical drug sa medikal na konteksto.” Nagbibigay ng mga halimbawa tungkol dito ang mga internal na alituntunin ng Meta sa mga content moderator. Nababahala ang Board sa kakulangan ng linaw sa mga exception na ito dahil kailangang maunawaan ng mga user kung ano ang pwede nilang i-post nang hindi nilalabag ang mga panuntunan. Dapat bigyan ng Meta ang mga user ng mas malinaw na gabay sa kung paano binibigyang-kahulugan ng kumpanya ang mga patakaran nito sa content sa pamamagitan ng pagbibigay ng mga halimbawa na alinsunod sa mga internal na alituntunin nito.

Nakita rin ng Board na ang allowance na “layunin ng patakaran” ay hindi binanggit saaman sa Mga Pamantayan ng Komunidad. Hindi ipinapaliwanag ng Mga Pamantayan ng Komunidad ng Facebook na paminsan-minsan ay nagbibigay ang kumpanya ng at-scale at pansamantalang mga allowance na “layunin ng patakaran” sa mga panuntunan nito sa ilang rehiyon o bansa. Sa kasalukuyan, walang paraan ang mga user na malaman ang tungkol sa allowance na “layunin ng patakaran,” o ang paggamit nito sa lahat ng Pamantayan ng Komunidad, dahil walang umiiral na paliwanag sa publiko. Ang sikreto at discretionary na mga exemption sa mga patakaran ng Meta ay hindi compatible sa pamantayan sa legalidad. Sa isa sa mga tugon nito sa mga tanong ng Board, ipinaliwanag ng Meta na sa pagsisimula ng krisis sa Sri Lanka, hindi pa na-launch ng kumpanya ang Protokol nito sa Patakaran sa Krisis ngunit para sa krisis sa hinaharap, “ang allowance para sa content na nanghihingi, nagdo-donate, o nagreregalo ng mga gamot sa panahon ng conflict ay isa sa mga lever ng patakaran […] na nakadokumento bilang bahagi ng protokol.” Gayunpaman, nakita ng Board sa mga pakikipagpalitan nito sa Meta, ang kakulangan ng malinaw na criteria at mga protokol (hal., pagkonsulta sa mga lokal na awtoridad at mga external stakeholder) para sa paggamit ng mga nasabing exception. Binibigyang-diin ng Board ang kahalagahan ng pagtiyak na ang paggamit ng mga allowance ay ginagabayan ng objective criteria, na nagreresulta sa naaalinsunod na mga desisyon para ilabas at tapusin ang mga ito. Kaya, hinihimok ng Board ang Meta na i-disclose sa publiko ang impormasyon tungkol sa allowance na “layunin ng patakaran,” at ang criteria na ginamit ng kumpanya para gamitin ito sa lahat ng Pamantayan ng Komunidad.

Tinatanggap ng Board na kapag nagmo-moderate ng maraming content sa global scale, mahalagang magkaroon ng “catch-all” allowance na maaaring gamitin para maiwasan ang malinwa na kawalan ng katarungan. Ang criteria na ginamit para ma-assess kung kailangan kinakailangan ang nasabing allowance, gayunpaman ay dapat itakda sa publiko. Dagdag pa rito, kung paulit-ulit na ginagamit ang nasabing allowance sa parehong paraan, gaya ng ginagawa ng Meta paminsan-minsan para sa mga donasyon ng gamot sa mga panahon ng krisis, dapat maingat na i-assess ng kumpanya kung ito ba ay dapat partikular na ibigay o hindi bilang exception sa nauugnay na patakaran.

Panghuli, hindi inaabisuhan ang mga user na nagre-report ng content kapag magbebenepisyo ang ni-report nilang content mula sa allowance na “layunin ng patakaran.” Kinumpirma ng Meta sa mga sagot nito sa Board na ang kumpanya ay “hindi direktang inaabisuhan ang mga user tungkol sa at-scale na mga allowance sa patakaran.” Sa desisyon nito sa “Mga protesta sa Colombia” ( 2021-010-UA), inirekomenda ng Board na abisuhan ng Meta ang mga user na nag-report ng content bilang lumalabag kapag hinayaan ang content sa mga platform ng kumpanya dahil nagbenepisyo ito sa newsworthiness allowance. Ina-assess pa rin ng Meta kung dapat nitong ipatupad ang rekomendasyong ito. Katulad din nito, ang pag-aabiso sa mga user na nag-report ng content na nagbebenepisyo mula sa allowance na “layunin ng patakaran” ay daragdagan ang pag-unawa ng mga user tungkol sa kung ano ang bumubuo sa nasabing allowance at kung bakit posibleng maging available pa rin sa platform ang content na mukhang lumalabag sa patakaran.

II. Lehitimong layunin

Isinasaad ng Article 19 ng ICCPR na kapag pinaghigpitan ng mga estado ang pagpapahayag, magagawa lang nila ito bilang pagpapaigting sa mga lehitimong layunin, na nakasaad bilang: “paggalang para sa mga karapatan o reputasyon ng iba . . . [at] ang proteksyon ng seguridad ng bansa o public order (ordre public), o ng kalusugan ng publiko o mga moral.”

Ang pangkalahatang pagbabawal ng Meta sa “pagsubok na mag-donate o magregalo” at “humingi ng” mga pharmaceutical drug ay hinahangad na protektahan ang kaligtasan ng publiko at kalusugan ng publiko (Art. 19, talata 3, ICCPR), at ang karapatan mga karapatan ng iba sa kalusugan (Art. 12, ICESCR) at karapatang mabuhay (Art. 6, ICCPR), na mga lehitimong layunin lahat. Sinabi ng Meta sa paliwanag ng desisyon nito na “posibleng padaliin ng content n aito ang ilegal na paglipat ng mga kontroladong substance o pakikipagpalitan ng mga pharmaceutical drug sa mga user na walang reseta o mga instruksyon mula sa medical professional.” Naaalinsunod ito sa paliwanag ng Meta sa premable sa patakaran sa Pinaghihigpitang Mga Produkto at Serbisyo, na nagsasaad na ginawa ito para “hikayatin ang kaligtasan at pigilan ang posibleng mga masamang aktibidad.”

III. Pagiging kinakailangan at proporsyonalidad

Isinasaad ng prinsipyo ng pagiging kinakailangan at proporsyonalidad na ang anumang mga paghihigpit sa kalayaan sa pagpapahayag ay “dapat naaangkop para makamit ang tungkulin nitong magbigay ng proteksyon; ang mga ito dapat ay hindi masyadong nanghihimasok na instrumento sa mga maaaring makagawa ng tungkulin nito para magbigay ng proteksyon; [at] ang mga ito dapat ay proporsyon sa kapakanan na dapat protektahan” (Pangkalahatang Komento 34, talata 34).

Ang paggamit ng Patakaran sa Pinaghihigpitang Mga Produkto at Serbisyo sa kasong ito ay hindi magiging proporsyonal na paghihgpit sa pananalita sa kabila ng matinding pampulitika at pang-ekonomikong krisis sa Sri Lanka, na pumigil sa access ng mga taga-Sri Lanka sa mga gamot, na naglagay sa panganib sa kanilang karapatna sa kalusugan at na mabuhay. Gayunpaman, ang desisyon ng Meta na maglabas ng allowance na “layunin ng patakaran” ay naprotektahan ang karapatang mabuhay at karapatan sa kalusugan ng mga taga-Sri Lanka sa panahon ng krisis na ito.

9. Desisyon ng Oversight Board

Sinusuportahan ng Oversight Board ang desisyon ng Meta huwag alisin ang content.

10. Pahayag ng pagpapayo sa patakaran

A. Patakaran sa Content

1. Para magbigay pa ng linaw sa mga user, dapat ipaliwanag ng Meta sa landing page ng Mga Pamantayan ng Komunidad, sa parehong paraan na ginagaw ang kumpanya sa newsworthiness allowance, na ang mga allowance sa Mga Pamantayan ng Kumpanya ay posibleng gawin kapag nangailangan ang paliwanag nito, at ang mga pagpapahalaga ng Meta ng ibang resulta bukod sa mahigpit na pagbabasa ng mga panuntunan. Dapat magsama ang kumpanya ng link sa Transparency Center page na nagbibigay ng impormasyon tungkol sa allowance na “layunin ng patakaran.” Ituturing ng Board na naipatupad na ang rekomendasyong ito kapag nagdagdag ng paliwanag sa Mga Pamantayan ng Komunidad.

B. Enforcement

2. Para magbigay ng higit pang katiyakan sa mga user, dapat sabihin ng Meta kapag magbebenepisyo ang ni-report na content sa allowance na “layunin ng patakaran.” Alinsunod sa kamakailang ginawa ng Meta sa pag-audit ng mga user notification system nito gaya ng sinabi sa tugon nito sa rekomendasyon ng Board sa kasong “Mga protesta sa Colombia” (2021-010-FB-UA), dapat abisuhan ng Meta ang lahat ng user na nag-report ng content na na-assess bilang lumalabag ngunit hinayaan sa platform dahil gumamit sa post ng allowance na “layunin ng patakaran.” Dapat kasama sa abisong ito ang link sa Transparency Center page na nagbibigay ng impormasyon tungkol sa allowance na “layunin ng patakaran.” Ituturing ng Board na naipatupad na ang rekomendasyong ito kapag nagpakilala ang Meta ng protokol sa notification na inilalarawan sa rekomendasyon na ito.

C. Transparency

3. Alinsunod sa mga rekomendasyon lima at anim ng Board sa kasong “Slogan ng protesta sa Iran” (2022-013-FB-UA), tinutukoy ng Board na dapat mag-publish ang Meta ng impormasyon tungkol sa allowance na “layunin ng patakaran” sa Transparency Center nito, katulad sa impormasyong na-publish nito tungkol sa newsworthiness allowance. Sa Transparency Center, ang Meta ay dapat: (i) ipaliwanag na maaaring i-scale o liitan ang mga allowance na “layunin ng patakaran”; (ii) magsapubliko ng mga halimbawa ng content na magbebenpisyo mula sa allowance na ito; (iii) magbigay ng criteria na ginagamit ng Meta para malaman kung kailan isa-scale ang mga allowance na “layunin ng patakaran;” at (iv) magsama ng listahan ng lahat ng allowance na “layunin ng patakaran” na inilabas nang malawakan ng Meta sa nakaraang tatlong taon na may kasamang mga paliwanag kung bakit nagpasya ang Meta na ilabas at tapusin ang bawat isa sa mga ito. Dapat panatilihing updated ng Meta ang listahang ito habang naglalabas ng mga bagong allowance. Ituturing ng Board na naipatupad na ang rekomendasyong ito kapag ginawa nang available sa publiko ng Meta ang impormasyong ito sa Transparency Center.

4. Alinsunod sa mga rekomendasyon lima at anim ng Board sa kasong “Slogan ng protesta sa Iran” (2022-013-FB-UA), tinutukoy ng Board na dapat ibahagi ng Meta sa publiko ang pinagsama-samang data, sa Transparency Center nito, ang tungkol sa inilabas na allowance na “layunin ng patakaran,” kasama ang dami ng instance na inilabas ang mga ito, at ang mga apektadong rehiyon at/o wika. Dapat panatilihing updated ng Meta ang impormasyong ito habang naglalabas ng mga bagong allowance na “layunin ng patakaran.” Ituturing ng Board na naipatupad na ang rekomendasyong ito kapag ginawa nang available sa publiko ng Meta ang impormasyong ito sa Transparency Center.

*Note sa pamamaraan:

Ang mga desisyon ng Oversight Board ay inihanda ng mga panel na may limang Miyembro at inaprubahan ng majority ng Board. Hindi kinakailangang kumatawan ang mga desisyon ng Board sa mga personal na pananaw ng lahat ng Miyembro.

Para sa desisyon sa kasong ito, gumawa ng independent research sa ngalan ng Board. Ang Board ay tinulungan ng independent research institute na naka-headquarter sa Unibersidad ng Gothenburg na binubuo ng isang team ng may mahigit sa 50 social scientist sa anim na kontinente, pati na rin ang mahigit sa 3,200 eksperto sa bansa mula sa buong mundo. Tinulungan din ang Board ng Duco Advisors, isang advisory firm na nakatuon sa pag-uugnay ng geopolitics, tiwala at kaligtasan, at teknolohiya. Nagbigay din ng pagsusuri ang Memetica, isang organisasyon na nakikibahagi sa open-source research sa mga social media trend.